Жарияланымдар

Кездесті, әңгімелесті

1 мин чтения

Қабылдау кезінде Бағбан Тайымбетов 90-ға жуық сотталған азаматты қабылдады.

Шығыс Қазақстан облысында бір тергеу изоляторы мен 11 түзеу мекемесі жұмыс істейді, оларда бес мыңнан астам адам қамауда отыр. Заңмен кепілдендірілген сотталғандар мен қамаудағылардың құқықтарын сақтау — прокуратура қадағалауының негізгі бағыттарының бірі.

Қамаудағылардың құқықтарын қамтамасыз ету және тұрақты мониторинг жүргізу үшін облыстағы колонияларда прокурор кабинеті институты енгізілді. Бұл шаралар Бас прокуратураның «Азаптаусыз қоғамға» жобасы аясында іске асырылды. Жобаның мақсаты — қылмыстық процесте және бас бостандығынан айыру орындарында азаптауды жою.

Жеке қабылдауға келген барлық сотталғандарға толық жауап беріліп, қолданыстағы қылмыстық және қылмыстық-атқару заңнамасының нормалары түсіндірілді. 37 адам жазасын тұрғылықты жеріне жақын түзеу мекемесінде өтеуге ауыстыруды сұрады. Сондай-ақ денсаулықты нығайту және дене шынықтыруды дамыту үшін колонияларды қосымша спорт жабдықтарымен қамтамасыз ету мәселесі қаралып жатыр.

Осындай жеке қабылдаулар Семей қаласы, Жарма және Шемонаиха аудандарындағы колонияларда да өтті. Онда сотталғандармен облыс прокурорының орынбасары Нұрлан Бижанов кездесті.

ДЕРЕККӨЗ:
http://www.yk.kz/news/show/37973

Қазақстанның азаптауға қарсы ҮЕҰ коалициясының материалы